Struktura organizative dhe organika e Komisionerit për Mbikëqyrjen e Shërbimit Civil miratohen nga Kuvendi i Republikës së Shqipërisë, në përputhje me nenin 11 të ligjit nr. 152/2013 “Për nëpunësin civil”, i ndryshuar.

Struktura fillestare është miratuar me Vendimin e Kuvendit nr. 98/2014 “Për miratimin e strukturës, organikës dhe kategorizimit të pozicioneve të punës të Komisionerit për Mbikëqyrjen e Shërbimit Civil”, i ndryshuar me Vendimin nr. 27/2022, me Vendimin nr. 91/2022 dhe së fundi me Vendimin nr.37/2024.

Çdo ndryshim në strukturë, organikë apo kategorizim të pozicioneve të punës realizohet vetëm me vendim të Kuvendit, mbi bazën e propozimit të Komisionerit, duke garantuar transparencë dhe kontroll parlamentar mbi organizimin institucional.

Organika e miratuar nga Kuvendi me Vendimin nr.37/2024, parashikon 37 pozicione pune. Ndarja e detajuar e strukturës organizative, përfshirë nivelin e drejtimit, drejtoritë përkatëse dhe njësitë mbështetëse, paraqitet në organigramën zyrtare të publikuar më poshtë, e cila pasqyron organizimin aktual funksional të institucionit.

Vendim Nr. 91/2022

Për disa shtesa dhe ndryshime në vendimin e Kuvendit nr. 98/2014 ”Për miratimin e strukturës, organikës dhe kategorizimit të pozicioneve të punës të Komisionerit për Mbikëqyrjen e Shërbimit Civil’‘, i ndyshuar.

Vendim Nr. 37/2024

Për disa ndryshime në vendimin e Kuvendit nr. 98/2014 ”Për miratimin e strukturës, organikës dhe kategorizimit të pozicioneve të punës të Komisionerit për Mbikëqyrjen e Shërbimit Civil’‘, i ndyshuar.